"Гэр бүлийн боловсролын үндэсний хүрээлэн" нь 2015 онд байгуулагдсан бөгөөд ашгийн бус, аливаа нам, улс төрийн хүчин, шашнаас хараат бус, нийгэмд үйлчилдэг ТББ юм. Тус байгууллагыг их, дээд сургуулийн гэр бүл судлал, сэтгэл судлал, нийгэм судлал, социологи, нийгмийн ажил, статистикийн мэргэжлийн эрдэмтэн судлаач багш нэгдэн ажиллуулж байна. 

Эрхэм зорилго

Нийгмийн анхдагч нэгж, хүний хөгжлийн суурь орчин болох гэр бүлийн асуудлаар шинжлэх ухааны судалгаа хийж бодлого, зөвлөмж боловсруулах, гэр бүлийн хөгжил-боловсрол, тогтвортой байдлыг дэмжих сургалт-зөвлөгөөг явуулах замаар монголын нийгмийн хөгжилд бодит хувь нэмэр оруулах

Зорилт

• Гэр бүл, хүн ам зүйн асуудлаар судалгааны мэдээллийн сан үүсгэх;

• Гэр бүлийн хүрээний бодит асуудлуудад онол, практикийн түвшинд дүн шинжилгээ хийж, бодлого зөвлөмж боловсруулах; 

• Гэр бүлийн өмнө тулгамдсан асуудлыг шийдвэрлэх хөтөлбөр, арга зүйг боловсруулах;  

• Гэр бүлийн тогтвортой байдал, нийгмийн хариуцлагыг нэмэгдүүлэхэд иргэд, албан байгууллагуудтай хамтран ажиллах;

• Монгол гэр бүлийн ёс уламжлал, үнэт зүйлд тулгуурласан гэр бүлийн боловсролын мэдлэг, мэдээллийг түгээх;